Azken hilabetean, Euskal Herriko hamaika putzutatik iritsi zaizkigu PutzuetanPlast! egiteko esperientzia bizigarri eta gozagarriaren lekukotzak jasotzen dituzten argazkiak. Eskerrik asko guztioi, astelehenak irribarrez hasteko aitzakia ezin hobea eman diguzue! Gainera, ziur gaude, argazki bilakatu gabe ere ehunka izan direla egun hauetan naturak eskainitako elementu efimero hauekin jolasean aritu direnak.

Gonbidapena haur, nerabe, gazte, heldu, zein aiton-amonentzat egin genuen arren, argazki gehienetan haurrak ikusi ditugu jolasean, eta honek duela egun batzuk aurkitu genuen Kathy Williams-en esaldi bat ekarri digu gogora:

esaldia_web orrirako

Gure esku dago haurtzaroari aukera gehiago, denbora gehiago eta batez ere askatasun gehiago ematea, eta horretarako dauden hamaika moduekin esperimentatzea.

Neguko egun euritsuekin batera abiatu genuen Putzuetan Plast! ekimena iritsi da amaierara, hala ere, ekimenaren espiritua eta gonbidapenak udaberriko egunetan ere jarraitzea nahi genuke, animatzen zara? Ausartuko gara?

Segi #PutzuetanPlast! egiten!