Txatxilipurdi Elkarteak martxoaren 10ean Komunikazio EzBortitzaren inguruko solasaldia eta aurkezpena antolatu genuen eta orain ikusgai jarri dugu gure kanalean.

Ekitaldian Nerea Mendizabalek, Komunikazio EzBortitzean hezitzaileak, Diego Martiartuk, “Komunikazio EzBortitza; Bizi-hizkuntza bat” liburuaren itzultzaileak, eta Txatxilipurdiko kideek parte hartu genuen.

Saioaren lehenengo atalean, egunerokotasunean gertatu daitekeen egoera bat antzeztu genuen Txatxilipurdiko Lander, Oihane eta Ikerrek. Egoera hau komunikatzeko modu bortitzetik gertu zein EzBortitzera gerturatzen den moduan errepresentatu zuten eta horren bueltan Nerea Mendizabalekin solasaldi txiki bat sortu genuen. Nereak azaldu zuen, Komunikazio EzBortitzaren prozesua ulertzeko erreza eta sinplea den bezala, sakontasun eta sutileziaz beteta dagoela:

“Ez da horren beste hitz joko edo elementuak nola antolatu pentsatzea (…). Komunikazio EzBortitzak ez du bilatzen hitz egiteko modu bat, beste pertsonak egiteko nik nahi dudan hori. (…). Hitzen atzean dagoen intentzionalitate edo gure energia horretan irudikatzen da. Prozesuak laguntzen digu esan nahi dugun horretan konektatzen eta barnera eramaten, baina hori baino garrantzitsuagoa da intentzionalitatea”.   Nere Mendizabal

Ondoren, Txatxilipurdi Elkartetik euskarara ekarri dugun liburuari zabaldu genion tartea. Bertan, Lander Juaristik Txatxilipurdik liburu hau euskarara ekartzeko arrazoia zein izan den azaldu zuen, Diego Martiartuk itzulpen prozesua berarentzako nolakoa izan zen kontatu zuen, eta Nerea Mendizabalek, Marshall Rosenberg-en bibliografia zabaletik liburu honek egiten duen ekarpena kokatu zuen.

Saioari amaieran emateko, Amaia Etxabek euskarara ekarritako “Komunikazio EzBortitza; Bizi hizkuntza bat” liburuak euskal komunitate zabalean ere ekarpena egitea eta euskal herritarrok gure lagunartean, etxean, lantokietan, edota gizarteko eremu desberdinetan ditugun harremanetan erabiltzeko eta praktikatzeko tresna bat izatea”  nahiko luketela azpimarratu zuen.

Horrekin batera, beste hitzordu baterako gonbidapena zabaldu genuen Elkarteko kideek. Apirilaren 15ean, Behe Nafarroako Donamartiriko Arberoa Ikastolako kideak gonbidatuko dituzte Arrasatera, eskolan KEBaren bueltan egiten duten lana jasotzen duen dokumentala aurkeztu eta gaiaren inguruan solastera.