Neguko “Putzuetan plast!” ekimenaren jarraipen moduan irudikatu genuen udaberrikoKalenaturaekimena. Udaberriko loraldia balioan jarri eta inguruko landareak ezagutzeko aitzakia sortu nahi izan genuen Txatxilipurdi elkartea eta guraso.eus egitasmoak elkarlanean.

Ekimen honen  bitartez auzo, herri eta hiri barruko biodibertsitatearen garrantzia aldarrikatu nahi izan dugu. Azken hamarkadetako herri ereduak natur gune zirenak porlanarekin tapatu edo landareak moztera eraman gaitu. Hala ere, naturak, gizakion basakeria guztien gainetik, lekurik zailenetan ere bere bidea egiten du.

Argazki ugari  jaso ditugu, ekimenaren aitzakian eduki ezberdinak ere argitaratu ditugu guraso.eus atarian, eta Arrasateko naturan jolasean ekimenaren baitan ere “kalenatura” ibilbidea gauzatu genuen.

Etxe inguruetan dauden landare basatiak ezagutu nahi genituen, kale bazterrean, paretetako arrakaletan, etxe azpiko lorategian, auzoko parkean… eta horiek izendatzera gonbidatu zintuztegun. Eskerrik asko ekimenean parte hartu zenuten guztioi. Guk Natura ezagutu eta errespetatzeko aitzakiak sortzen jarraituko dugu, ikasteko asko dugu oraindik eta!

Aspaldi amaitu genuen ekimena baina egunak gainera erori zitzaizkigun eta post honen bitartez eskerrak emateaz gain parte hartzaileen artean egindako zozketaren berri ere eman nahi dizuegu.

Oñati aldera joan da Txatxilipurdi elkarteak eskainitako liburu eta jolas ezberdinez osatutako sorta. Ametza Biaini egokitu zaio saria, berak Oñatiko Baketxe kalean Murruntzari ateratako argazkia bidali zuen eta honi esker Berdean hezi, Haurren hiria, Pareko eta Kalekantoi liburu eta jolasak eramango ditu etxera! Zorionak!!